Mladenka Hudi

MOLAJ
Zamantalo me
blišći prid očima
vatan ariju
ka riba na suvon
vrti se cila kala
nestaje
batije srce
ka ijadu vojnici
pritiska u prsima
žmarci u prstima
čapala san se
za zid, naslonila

Aaa,neš ne,fermaj
ča si poludi jopet,
molaj
karan se sa njin
on bati li ga bati
nedan se
diš na ovaki dan
lip, sunčan
veleti vonja ,lipote
oko mene

Ti luduješ
ča ne guštaš
ka i ja
u lipoti dana
vonju prazliča
merlima
ča more lavora
molaj, jerbo
nisan sve adočala